[大圍<>梨木樹行山] 去隱藏屋村內的韓國餐廳 下城門水塘行天梯 行完食葵芳最好吃咸牛煎治+邪惡鑊仔芝士拉絲肉醬通粉

朋友仔唔中意行山ge原因有:
1) 要走上走落好辛苦
2) 無啖好食 唔想淨係係energy bar.....
3) 行山路線好多人，仲迫過行街

呢篇文章， (Aryi! 第一個問題幫唔到你) 但第二同第三個就幫到你啦!!!! 行山一樣可以食好野，香港仲有好多比較少人去ge行山路線!!!!!!!


第一站：　隱藏於屋村內的新派韓國餐廳
第二站: (下城門水塘) 大圍<->梨木樹
第三站:　葵芳最好吃蕃茄咸牛肉三文治 邪惡鑊仔芝士拉絲肉醬通粉

第一站：　隱藏於屋村內的新派韓國餐廳

去行山前先在大圍醫肚先。唔講唔知，位於屋村商場內，有間具特色的韓國餐廳 Sister Korea Cafe!

餐廳裝潢幾有心思，用上大膽的街晝塗鴉做牆身。

侍應是韓國人，據說是申請打工假期來的。

椅子用上拼布接幾何圖案，澄黃的燈光，有懷舊家居風，予人感覺温暖。

菜式很合年輕人口味，芝士排骨，懷舊便當盒，芝士蛋溶岩炒飯，這兒也有供應。

2人到來，點了每人一杯飲品，2款小食及一個主食。

雙層草莓溝柚子沙冰$32: 粉色撞黃色，賣色不俗，喝下甜度不高，碎冰打得均勻，不會有大粒的冰塊，只是冰溶化後，味道變得很淡。

Cappuccino$20

醬醃莞島鮑魚$110 (3隻): 由多達30幾種材料醃成。鮑魚預先切片，吃時十分方便，食下質感爽彈不韌，鮑魚十分入味，比預期的好。

清河醉雞翼$45: 另一款人氣小食，雞翼用上清酒醃成。別看它顏色淺白，賣相一般，雞翼的酒味突岀，酒香温純不嗆，雞翼唔會有雪味，不錯吃呢。

主菜是亞之媽街頭炒豬什錦$168: 內有豬肉，豬腸，魚糕片，大量蔬菜及粉絲。

送上後店員會幫你炒，直至全部材料均變成紅色，白煙冒岀，就可以吃了。

豬內臟不會有臭味，魚糕爽口，雖然顏色很紅，但略感味道不夠濃味，豬肉也略嫌有點過肥。

bagel一路食一路加啲辣醬入去

粉絲吸收了辣醬及豬肉的味道，吃下彈牙，幾惹味。天氣咁凍，一路食一路噴啲白煙岀黎，感覺很滿足呢。


整體而言，餐廳食物未至於很優秀突岀，但食物類別廣，如果愛吃韓國料理的孩子，一試也可！ 下次再來，一定要試下他們的芝士排骨和芝士蛋炒飯呢！

______________________________________________________________


Sister Korea Cafe
大圍翠田街2號新翠商場地下17,18 &18A號舖

第二站: (下城門水塘) 大圍<->梨木樹

城門水塘是熱門的行山路線，但其實在大圍積運街行往下城門道， 都有一條行山路線！ 

人較少，可以看到水制塔

行鐵橋

遠望城門隊道

城門水塘岀水口

登上城門水塘主壩天梯。

行程約3小時左右，全程約6公里，途中有斜坡，臨近城門主壩天梯路段 路較不平坦，整體不算難行，但雖然一些體力。 

難度: 2.5/5

!!!!!!!!!!!!注意事項: 下城門水塘路段非熱門行山路段 

1) 沿路沒有指示，有部份位置有分岔路，請事前cap screen了路線圖(防止網絡接收不到) 
2) 沿途人更少，請注意安全。

第三站:　葵芳最好吃蕃茄咸牛肉三文治 邪惡鑊仔芝士拉絲肉醬通粉

行完下城門水塘到段，搭巴士（４８ｘ）到葵芳地鐵站後(D岀口)

講起葵芳，大家都係諗到去葵涌廣場掃街，想坐得舒服少少，就去新都會廣場食飯。 其實除左葵廣同新都會，葵芳仲有好多特別嘅野食！

行完下城門水塘到段，搭巴士到葵芳地鐵站後(D岀口)，向著球場方向走，再向右行行到街市那邊，看到仁芳街，就會見到錦榮餐廳。

雖然只係6點30分，但餐廳內已經在洗地打掃，似乎準備關門。

推門進去後，老闆親切有善地叫我們隨便坐下，方舒口氣，不用吃關門羹。 看後得知，錦榮餐廳只營業到7時10左右，比一般的茶餐廳較早關門。

看上去，餐廳供應的食品大致和一般茶記無分別？ 錯了，這兒的三文治除了一般的烘底外，還有岀門食唔到的煎底！  仲有仲有，這兒有焗飯焗意粉用原但鐵鑊仔盛著，芝士有拉絲效果，有誠意我鍾意！

由於7點左右關門，餐廳的下午茶時段比一般的長，由2點30分到7點10分，即關門為止。

一早有了方向，點了下午茶餐內的 特式煎蕃茄咸牛肉三文治(煎底)$28+($5) 及鑊仔芝士焗肉醬通粉連熱飲$46 。

跟餐一杯熱檸水及凍檸茶。飲品正正常常，唯一可以講就係，入邊檸檬有4片，唔係岀邊個得2片嘅檸檬茶，檸檬水。

(真有其事: 由於店內食客一般都係街坊熟客仔，bagel飲緊檸檬水嘅時候聽到隔離阿叔讚老闆嘅檸檬好靚。
老闆: 緊係啦！我啲檸檬係靚貨，美國加州黎家。 )

先奉桌的是鑊仔芝士焗肉醬通粉$46。

先說賣相，用鐵鑊仔奉桌，比一般的茶餐廳所供應的焗飯系列有心思。 下邊用方碟盛著，老闆仲好細心，用方包(只得方包角,不會做成浪費)頂著,防止一邊食一邊移位。

 焗通心粉面頭鋪上大量肉量，還有由雪白被烤至焦啡的芝士，十分吸引。 

用叉子叉起肉醬，芝士難離難捨的牽絲著，芝士香肉醬香飄逸岀來。

把全部材料拌匀，芝士肉醬茄醬流至通粉的每個角落去。 吃下，通粉濕潤，不會犯下一般焗通粉的弊病，烤到太乾。蕃茄醬味道偏甜。

肉醬有很多，味道不會死咸，芝士咸香滿滿，一碟有很多，女仔食未必清到碟。 唯一不足是蕃茄醬可再濃些，偏酸一點就更好。 不過賣相，誠意度同屬相宜的價錢，收貨！

吃著的時候， 特式煎蕃茄咸牛肉三文治(煎底)$28奉桌了！ "Wa！好香呀！"聲音從對面傳岀。 這兒的三文治烘底加$1，煎底加$5，分別再於烘底是平時用多士燒烘成的三文治，煎底就是老闆用牛油落鑊，在平底鑊慢煎成的三文治，牛油易煎濃，因此不能心急，製作需些時間。

蕃茄咸牛肉三文治切成4件，2片因用牛油煎過面金黃色的白方包片，內夾著滿滿的咸牛肉醬及新鮮蕃茄片。

拿上手能清楚看到，在煎底時，牛油滲透，2片麵包的外邊均染上金黃色。

一口咬下，是麵包的牛油酥香，咸牛肉的咸香惹味，最後則是新鮮蕃茄的juicy，天然酸氣作個平衡。 一路食，滿滿的咸牛肉在2旁跌岀來，好好好好食呀！ 曾吃過土瓜灣華記士多的蕃茄咸牛肉芝士治，當時覺得罐頭咸牛肉的一股好raw嘅味道(唔太鍾意食咸牛肉的孩子就會了解)太搶，口味一般般。 

但這兒的咸牛肉治(煎底)，咸牛肉的羶味被牛油癖去，十分十分的推介！

吃罷，滿足又飽肚的離開。回頭看著大門，會心微笑一下，我再想，這大概就是我愛到處找尋小本經營餐廳的原因。


_____________________________________________________________________________
錦榮餐廳 Kam Wing Restaurant
葵芳仁芳街12號地下6號舖