去行山前先在大圍醫肚先。唔講唔知，位於屋村商場內，有間具特色的韓國餐廳 Sister Korea Cafe!
餐廳裝潢幾有心思，用上大膽的街晝塗鴉做牆身。
侍應是韓國人，據說是申請打工假期來的。
椅子用上拼布接幾何圖案，澄黃的燈光，有懷舊家居風，予人感覺温暖。
菜式很合年輕人口味，芝士排骨，懷舊便當盒，芝士蛋溶岩炒飯，這兒也有供應。
2人到來，點了每人一杯飲品，2款小食及一個主食。
雙層草莓溝柚子沙冰$32: 粉色撞黃色，賣色不俗，喝下甜度不高，碎冰打得均勻，不會有大粒的冰塊，只是冰溶化後，味道變得很淡。
Cappuccino$20
醬醃莞島鮑魚$110 (3隻): 由多達30幾種材料醃成。鮑魚預先切片，吃時十分方便，食下質感爽彈不韌，鮑魚十分入味，比預期的好。
清河醉雞翼$45: 另一款人氣小食，雞翼用上清酒醃成。別看它顏色淺白，賣相一般，雞翼的酒味突岀，酒香温純不嗆，雞翼唔會有雪味，不錯吃呢。
主菜是亞之媽街頭炒豬什錦$168: 內有豬肉，豬腸，魚糕片，大量蔬菜及粉絲。
豬內臟不會有臭味，魚糕爽口，雖然顏色很紅，但略感味道不夠濃味，豬肉也略嫌有點過肥。
粉絲吸收了辣醬及豬肉的味道，吃下彈牙，幾惹味。天氣咁凍，一路食一路噴啲白煙岀黎，感覺很滿足呢。
整體而言，餐廳食物未至於很優秀突岀，但食物類別廣，如果愛吃韓國料理的孩子，一試也可！ 下次再來，一定要試下他們的芝士排骨和芝士蛋炒飯呢！
吃飽就去行山了！ 路線: (下城門水塘) 大圍<->梨木樹
______________________________________________________________
Sister Korea Cafe
大圍翠田街2號新翠商場地下17,18 &18A號舖
沒有留言:
張貼留言