冰室這文化變流行了，很多人喜歡"懷舊"，商家看到這個現象，紛紛開了用"冰室"作賣點的餐廳，所以而家香港人周街都係咩咩冰室，咩咩冰室..... 即使這些冰室裝修得有幾"懷舊"，用墨綠色配白色的密鋪地磚，綠襯白的牆身，木造卡位....入到去依然會覺得，喂！差緊陣味喎！ 就係個種經歲月洗禮的味道！ 好玄？！ 睇到呢到，如果你明嘅就會會心微笑，唔明嘅話，你可以繼續去翻而家個啲咩咩冰室"懷舊"一下。
因bagel今日會去東華三院慈善嘉年華，難得來到藍田油塘這區域，愛吃的我當然不會放過這個探食尋食的機會，在網絡上search下有咩特色嘅餐廳... 比我發現到它！ 一間大個你同我，有70年歷史的冰室，榮華冰室。
在藍田地鐵站岀口，坐23c小巴，在茶果嶺村口落車。
Bagel入村找了一陣，最後問了一户村民才找到。
後來發現，只要由村口一間開記冰室左面的小樓梯走入村入面，就會見到榮華冰室了。
榮華冰室門面小小，又位於村內，坦口說，村外人是很難知道有呢間餐廳嘅存在。
愛尋訪這些小店，具昔日情懷餐廳的我，一看到這間餐廳，早已笑到唔見左對眼了(bagel遺傳了爸爸的眼睛，稍微笑一笑，對眼就比個眼袋遮住左)
門口的鐵閘，像西環的海安咖啡室一樣，刻有自己餐廳的名字。
因太耐變脆了，脆得接近一碰就碎的舊海報舊報紙。
餐廳不大，約有6個卡位左右，當時正有2枱客人。 入去大力一嗅！
牆身掛著逐日撕走的年曆，記起婆婆舊時都很愛這日曆的，兒時去婆婆家時，有理無理，婆婆都會比我撕一張日曆走的...
牆身身的脫落，頭上掛著的是古早的三葉吊風扇。
另一個櫃則放滿了罐頭，下面則掛滿鏡叔鏡嬸的相片。
看著餐牌，字有的變淡了，加深了的字體和舊字體放在一起，變得很明顯。
先點了奶茶$10，維他奶$6，腸餐麵$15，蛋治$8及奶油多$4。
奶茶喝下也順，也算香滑，不過茶味稍嫌有點淡。
維他奶$6: 涷冰冰ge天氣，飲番枝熱維他奶就暖番曬la!!!!!
腸餐麵$15: 即腸仔餐肉公仔麵，一條腸仔，兩塊餐肉，切起來像寫著"100"的模樣，腸仔餐肉都是外來貨，但值得一讚的是全部都經煎香過。
再到奶油多$4: 厚厚的多士片，面頭滿滿牛油的金黃色，當中還有些牛油是呈半溶狀態，再加些煉奶在面頭。
一口吃下，麵包烘得很香脆，吃下發岀咔沙的聲音，煉奶的甜奶香，牛油的邪惡油香，包上麵包的麵粉香，模視通脹的價錢，一個字 正！
蛋治$8: 蛋是很薄很薄的一片，白包未有烘過，味道一般般，但似曾相識，是bagel小學時，母親經常煮給我吃的早餐！
這個時候，一班客人在外邊進來了，當中有大有細的，一入門口，大叫"鏡叔鏡嬸"!
望一望，原來是我們剛才問路的村民！ 這時右手邊的那枱人客發起聲來，和剛入來的那家打招呼，餐廳不大，顯得更應聲，大家都在和鏡叔鏡嬸拜年。
四顧張望，隔離枱的炒烏冬很不錯，又見到每枱都有叫西多士，於是我倆又再追加了一客炒烏冬加蛋($18+$2)及西多士($13).
加單後不久，聽到廚房(其實即係座位後隔幾步的位置) 傳出聲來。
鏡嬸: 無石油氣啦！
隔離枱聽到後回應: 係呀X叔個到拎黎用住先咪得囉！
鏡嬸: 唔係！我仲有，不過要而家換姐。
再等五分鐘，炒烏冬奉桌。
炒烏冬加蛋($18+$2): 染上淡啡色醬油的炒烏冬，中間有魚片，火腿及椰菜，面頭頂著一隻太陽蛋。
烏冬不油，不會碎濕濕，吃下豉油帶甜，不會死咸，椰菜脆身(當中還有些椰菜因用生鐵穫痴底而煎到燶左嘅焦色)，火腿給得很足，最令人感到讚賞的是魚片！切得薄薄的，但十分有彈性，魚片香味十足！
西多士$13: 預先已給切了9塊，不同岀面的西多士，這兒落的是煉奶而非糖漿。
點了這麼多食物，埋單夾埋都係$70 左右，岀面食個午飯都無了，價錢超值，雖然食物質素不是很突岀，但相來這兒感受那昔日老香港的情懷，這兒絕對是合適的地方。
臨走前，鏡嬸和我們道歉，說她的其他客人太嘈，嘈到我們。鏡嬸口中的"客人"並不是客人，反而我倆才是是"客人".
榮華冰室
地址: 茶果嶺大街106號A
第二站: 東華慈善嘉年華
吃罷午餐後，就去下一站了，東華慈善嘉年華。
門口一岀就有小巴站，23c ($3)到<油塘中心[ 大本型 ]> 油塘A2地鐵站下車
直走不到50步，就會見到直達東華嘉年華的免費接駁巴士，十分方便。
不消十分鐘車程就會達嘉年華了，先到門口售票。
東華新推了$220任玩套票，但不包攤位遊戲及食物。 bagel愛玩機動遊戲，而男友就不好了，因此我們分別買了一張任玩套票，另加了$180 代幣，再買了兩張英國皇家馬戲團門卷，如果孩子都像bagel這個情況，也不防參考我們的做法，那麼我可以玩機動遊戲之餘，男友又可"玩攤位遊戲"，贏公仔 (給我)，哈哈。
場工給了我們每人一張mint card 及馬戲入場卷。進入會場，機動遊戲及食物，攤位都可以用mint card 去比，會場中還有不少充值處，不用排隊，會場安排得好完善。
有timtam 抽，100%中，至少有2塊!
1. 機動遊戲
大致有3個是較刺激的，而當中最注目的，當然就是位於場內正中心的陀飛輪吧！
1. 陀飛輪 $120 : 據介紹，陀飛輪是2015年瑞士創新製造的機動遊戲，3個四方框架同時好似扭計骰咁轉。
陀飛輪也是全場最貴的機動遊戲，買了任玩套票的我一定要玩翻次！
玩後感: 轉嘅時候唔會覺得好暈，會有2次特別轉得勁同高。
離心力: 3/5
刺激度: 4/5
必玩度: 4/5
2. 終極跳樓機$80: 全港最高，有27層樓高（80米）高。
玩後感: 又高，加上天氣凍，係上面等嘅時候最驚。一落去頭1,2秒比較好離心，之後就會覺得好爽！
離心力: 5/5
刺激度: 4/5
必玩度: 3/5
3. 超級搖滾$60: 24名乘客擺動至30米高空，有幾下會垂直軸360度轉！
玩後感: 可能呢個係我當日第一個玩嘅機動遊戲，玩前又無睇過佢會點轉，所以覺得好刺激！ 自已覺得比起海洋公園嘅翻天覆地更刺激。 一黎比人轉到上去之後好冷，二黎機械會360度自轉，係上面個時以為機械好似海洋公園翻天覆地咁 360度公轉去另一邊，邚刺激！加上比前2個平，抵玩！
離心力: 4/5
刺激度: 5/5
必玩度: 5/5
3個機動加起已經$260,值回票價，鍾意玩機動嘅孩子也可買任玩套票！
第二: 攤位遊戲
場內有不同攤位，價錢一般都係$20-$30一次。 普遍遊戲難度都算高，當中獎品最吸引一定係玩轉腦朋友！inside out!
擊罐高手$20: 男朋友玩左2次，第二次贏到阿愁番黎！
攻略: 佢話最緊要向住底嘅罐打，避免分瓶，咁先容易贏到。
阿愁質素好高！ 件衫係可以除岀黎，平時係logon想買啊愁都好難，鍾意佢嘅孩子就要加把勁了！ 值得投資。
其他攤位:
有維尼
Donut
馬騮仔
米奇
第三， 英國皇家絕技團
門票有分VIP $480(包爆谷及綿花糖)及 普通$180. 除星期一，每日都有場。
當中嘅表演難度高之餘，仲好危險！ 3個車手同時係4米嘅鐵球入面，開曬turbo 咁轉，講求極高合拍度同技術。
另外也有觀眾互動。
也有近年hit到爆嘅冰雪奇緣表演，有飄雪，有Elza係空中軟骨雜技，仲有雪寶，老少咸宜。
全場大約90分鐘，可以話係無冷場，完場都聽到其他觀眾話好抵睇！
雜技團並沒有任何有關動物的演岀，因為孩子們大可安心觀看。
5點15分完場後，機動遊戲陸續開燈，變得好靚。
4. 淨左嘅錢，我地去左美食街食野。
有台灣菜，意大利菜，素食，燒物，韓式食品及港食街頭小食。
價錢都幾高，我們要了腸粉$30及豉油王雞髀$40.
腸粉$30: 混醬任落唔嬲，味道正常，只係淋左少少。
雞脾$40: 唔算大隻，但煮得入味，食落甜甜地，雞脾肉都算滑，除左價錢貴左少少之外，食味大致滿意。
大約6時離開，會場門外一樣有接駁巴士番油塘地鐵站。
但我們選擇走路，沿著大路一直走，就會見到九龍灣mega box, 再走就會到觀塘海濱公園，環境好靚，對面岸睇番東華慈善嘉年華，彩色燈光好美呢，我們這就在觀塘坐地鐵站走了。
______________________________________________________________________
總結，想有別開生面的一天活動，又唔想行山，可以參考下這篇文。
Around十二點-一點三十: 藍田地鐵站<>茶果嶺村 (榮華冰室)
Around一點半: 茶果嶺村<>油塘地鐵站<>東華慈善嘉年華
Around 二時至六時: 東華慈善嘉年華內
Around六時: 散步海繽公園
全文: 開業半世紀茶果嶺大街隱世冰室 "100分"腸餐麵+東華慈善嘉年華詳細介紹@藍田油塘觀塘一日遊
part 1: 懶理通脹 開業半世紀茶果嶺大街隱世冰室 "100分"腸餐麵 @榮華冰室
http://bageladdiction.blogspot.hk/2016/02/100.html
http://bageladdiction.blogspot.hk/2016/02/100.html
part2: 東華慈善嘉年華詳細介紹@藍田油塘觀塘一日遊
http://bageladdiction.blogspot.hk/2016/02/blog-post.htm
http://bageladdiction.blogspot.hk/2016/02/blog-post.htm
沒有留言:
張貼留言